Beth rydym yn ei wneud ar hyn o bryd?

Bydd Cyngor Merthyr yn edrych i wneud gwelliannau i'r seilwaith cerddwyr presennol o amgylch Coed y Dderwen. Mae’r croesfannau sebra presennol yn cael eu huwchraddio i fodloni’r safon heddiw yn unol â Chanllawiau Dylunio Teithio Llesol.

Rydym am annog plant a theuluoedd i gerdded neu feicio i'r ysgol ac rydym am iddynt wneud hynny'n ddiogel.

Bydd y gwaith yn dechrau ar y safle ar Awst 5^ed ac yn cael ei gwblhau ar Awst 30^ain.

Mae angen a gwerthfawrogir eich cydweithrediad yn ystod y cyfnod hwn.

Yn dilyn llwyddiant y Gronfa Teithio Llesol gan Lywodraeth Cymru ar gyfer 2024/25, rydym wedi bod yn brysur yn datblygu cynlluniau.

Efallai eich bod wedi gweld ein bod wedi darparu baneri newydd o amgylch canol y dref gan dynnu sylw at ein llwybrau hardd a'n hymrwymiad fel awdurdod tuag at deithio llesol a hygyrchedd i bawb.

Ar hyn o bryd rydym yn datblygu cynigion i wella cyfleusterau cerddwyr a beicio yng nghylchfan Caedraw ac ar hyd Avenue de Clichy, a chais cynllunio ar gyfer cyswllt pont Teithio Llesol newydd ar draws afon Taf o ganol y dref i'r Coleg.

Rydym wedi gwneud cais i Lywodraeth Cymru am bwerau i orfodi Troseddau Traffig sy'n Symud. Bydd hyn yn ein galluogi i gadw at orchmynion traffig presennol sy'n gwneud ein strydoedd yn fwy diogel i breswylwyr, yn enwedig y rhai y tu allan i'n hysgolion.

Mae'r Cyngor wedi paratoi pecyn gwaith ar gyfer cam nesaf y datblygiad ar gyfer y cynnig cyffrous o ailagor Twnnel Abernant ar gyfer Teithio Llesol. Y gobaith yw y bydd ymgynghorydd yn cael ei benodi erbyn diwedd Gorffennaf i ymgymryd â'r gwaith hwn yn 2024/25.

Rydym yn parhau i ddatblygu cynlluniau Teithio Llesol ar gyfer Ysgol Gynradd Pantyscallog a Thretomos, yn ogystal â chysylltiadau'r A465 yn Nowlais a Heol Abertawe.

Yn ddiweddar, cynhaliodd yr awdurdod lleol waith ar y rhwydwaith llwybrau i gael gwared ar rwystrau sy'n atal mynediad i'r rhai sy’n methu symud cystal.

Os oes rhwystr yr hoffech ei weld yn cael ei ddileu, anfonwch e-bost atom gyda manylion pellach ar active.travel@merthyr.gov.uk

Rydym yn bwriadu cynnal ymarfer ymgynghori cyhoeddus yng nghanol y dref i rannu ein holl gynigion a chasglu adborth yn gynnar yn yr hydref.